|
| 今日完左第一個星期啦
希望下星期有得去第二度啦
琴日都幾多野發生
星期三我個client唔肯沖涼
但我琴日一入佢房佢已經沖完涼
不過搞到一地屎 佢好唔開心咁抹緊
我諗佢唔想我幫佢沖涼都應該係怕唔好意思
因為佢都知自己會整到周圍都係
另外琴日開始我地每人兩個clients
我多左個行路好唔穩陣既女人
佢有少少老人痴呆
我帶佢出dining room....
佢行到一半, 佢話I cant walk
@@我呆左一兩秒
鼓勵一下 同埋叫佢move隻腳咁
最後我地幾經辛苦先去到佢食早餐既位
到lunch time 佢行得好d
不過我問過d staff
佢地話佢"每隔5分鐘就會fall"
我以為佢地講下only
點知到兩點幾
我係房做緊功課(琴日要交)
我個老師入利話我個lady had a fall
可能要去醫院!!@@
我即刻嚇一嚇 好似好嚴重咁><
去到佢訓左係地上
staff assess緊佢有無骨折or撞親邊度
我地見唔到有傷口
佢好confused
亦無骨折 好彩！！
最後我地用lifting machine搬番佢上椅
3點多我地先走
我成晚都好擔心佢><
...........好在有"您"support我
今日好好多
一來係星期五^^
我個gentleman一早就已經係dining room等緊早餐
不過佢隻手有skin tear
搞到件衫都有血
但佢唔肯換第二件
可能因為d血係衫後面
佢睇唔到所以唔信=.="
無辦法啦 可能第二朝佢會自己換
我位lady就唔想起身
佢話佢病
但無痛, 只係feeling not well
所以我地只好隔一個鐘先去睇下佢
佢既obs都正常
後來有個staff叫左佢起身
因為有人利左幫佢地剪腳甲
之後佢睇落精神好多
之前真係嚇死我！！
lunch都ok 食左大部份
今日覺得自己有d作為 | | |
| 今日已經過左第三日既Placement
第一日真係好失望
首先同個fd一齊去, 但佢覺得係落車後既相反方向
結果我地行左雙倍路程...
不過又好彩地遇到同樣遲到既老師
竟然係我其中一個Unit既Tutor
所以無咁驚
同埋佢比我地更學生, 更想早放咁
頭一兩個鐘, 行下介紹下
之後出在去M記食野=.=v
係我地六個學生同老師一齊去
等到11點先有人教點走火, 但好簡潔囉
我地以為有得早走
點知無啦啦又走出另一個staff
真係講佢地既運作同帶我地搵我地要用既野
最後都無乜點早放
最失望係.........Nursing home
呢個Placement應該係醫院嫁囉
nursing home根本無咩skills學到
第二日就已經悶到嘔
一人一個client
我個client聾聾地 要好大聲同好簡短 仲要係耳邊講
同埋佢一星期先沖兩次涼=.=
又自己起身去食早餐
所以我除左幫佢換片同執床就無咩可以做
又好難同佢傾計
仲有可以做既係俾藥佢
之後我地就去左一間meeting room(我地暫時既房)
大家都自己溫書同做功課咁...
一d都唔似placement
仲會一齊傾下閒計
真係好無聊
我地又以為可以早走啦 都無野做
點知又唔得囉
仲比正常遲左走tim=.=
因為要handover俾next shift
好浪費時間呀！
今日同琴日差唔多
只係要寫一種藥出利
貼上牆上.......話一日學一種
其他都差唔多
只係我個client今日唔肯沖涼
不過好在無因為咁惱左我^^"
其他staff都無佢辦法啦
同埋同個結婚60年既伯伯傾計
佢同佢太太都住係nursing home
92歲既佢行路唔太穩
佢老婆話凍 (lunch前)
佢行得唔定都起身行去佢房拎衫俾佢老婆
睇到都覺得好sweet!!
佢仲話佢老婆好好
生左三個bb又照顧佢同三個細路...
究竟老左既我會係點??
會係孤獨既每日坐係自己房睇電視?
定係有老人痴呆, 漫無目的咁周圍行?
會唔會聾聾地, 乜都聽唔, 睇電視都唔再需要開聲?
會唔會好傷心,唔記得屋企人,失禁,覺得自己好無用?
還是我會好開心好清醒同好滿意自己既一生呢?
| | |
| 今日煮左咖哩雞 ^^
原來我煮飯都幾好味嫁喎
HEHE....
仲整左個愛心飯盒俾自己
聽日去placement食
突然覺得自己好"女人"
因為我開始鍾意買送同煮飯
原來煮飯都唔係好難
仲覺得好好玩
唔同既送可能整埋一齊
煮出唔同既味
唔識形容......
煮飯既感覺好正 XD | | |
| 今日pass左個practical
同埋琴日個test都做得幾好
我仲交左份功課
而家覺得輕鬆左好多
好似完成左大半啦
只係剩下大考同placement
好想快d 考完 讀完
賺d外快就番香港
(我倒數緊嫁啦^^, about 9個禮拜)
Placement既兩星期應該會過得好快既
而家既我唔想有得閑既時間
當然我會想休息下
但係經過琴晚既事
再加上之前既經驗
我好怕再得閑傾計咁
好似講得多就煩 就會鬧咬
而家我好想每日都有做不完既事
做到身心都疲累既事
每晚一訓上床就馬上訓著就最好
其實我真係搞唔清 你講既邊句係真 邊句係假
究竟你本來係點諗
係咪我既說話 我既反應 影響左你
我只係自己選擇性去相信我想要既答案
雖然我知道未必係真...當然我希望係...
關係真係好難keep住
一段關係的確係兩個人既事
如果只係得一個人 無論幾想幾努力 都唔可能keep住一段關係
無論好或者壞既關係都要兩個人一齊去建立同保持
我覺得好難做到
一次又一次出現既情況
令我好怕好驚有一日真係發生
可怕既係 我每次都一直都以為既"好"
可以突然變壞
究竟係我一直感覺唔到
定係我一直自己俾好既原因去解釋
我真係.............唔知我可以做d咩 | | |
| 時間真係過得好快
原來我已經有一年無開過XANGA
不過我呢幾日好想寫日記
又諗唔度寫邊好
所以試下搵番自己個XANGA
唔知仲有無人開利睇嫁呢
而家既我仲身處澳洲
今個星期有三個TEST
不過我對TEST都無咩感覺啦
呢個學期 每個星期都有一個至兩個=.="
下星期就開始兩個禮拜既PLACEMENT
希望順利啦
聽講要求唔太高 同埋好似無咩功課要做^^
十月第一個禮拜就FINAL EXAM
咁就讀完我大學既第一個學期啦
真係好鬼快呀
利左AU都年幾啦
感覺都仲係好-VE
天氣叫做慣左, 唔會驚訝咁
生活亦好簡單
只有番學, TEST, 功課, 買送, 整野食...
只係我永遠都唔會習慣呢度既交通
搭車超級唔方便
我一定會學車同買車, 盡力短期內！！=.=
同埋完全感受到"靠自己"呢三個字真係唔簡單
而家除左金錢上.......一切都係自己
金錢上既依靠亦有限......始終屋企唔係種金
學車買車都會靠自己搵錢
搵屋, 搬屋, 洗衫, 煮飯......
就連買送都要睇自己夠唔夠力拎先敢買
無人幫靠自己唔係唔得
只係真係有困難 想搵人問下幫下都諗唔到搵邊個....
呢個感覺先最令我難受
好似上個月 為左去PLACEMENT
我地要打某D針
我TOTAL要打4支
打完O個晚對手脾超痛 眼水都出埋
第二日我只係番左下午 因為要100%ATTENDANCE
我地企係床邊睇個老師教點睇頸D血管
之後唔夠十分鐘
我覺得好想嘔 之後好暈咁
最後仲眼前黑哂
乜都睇唔到 當時好驚自己會死
個老師叫同學俾我坐
之後扶我上床休息
到放學既時候.....老師問我點番屋企...
=.=...行20分鐘, 無車直接到屋企...
呢種情況真係覺得好無助
唔知點講 只係真係乜都靠自己時
就會發現原來無助既情況經常都會發生
朋友始終無HK既熟
可能我個人唔同左
小心左好多 亦自閉左
我會連出街行下都覺得好浪費時間
唔係有野要買都唔想出街...
我覺得自己變得好怪
唔識點樣結交新朋友...
不過咁樣都有好處
就係真係專心讀書 有好成績...
雖然都有打機同睇戲
可能咁樣就係有得必有失吧 | | |
|
